ಬಲ್ಲೆಯೇನು ನೀನು

ಪಳಕಳ ಸೀತಾರಾಮಭಟ್ಟ

ಕಣ್ಣು ತೆರೆದು ಮೊದಲ ಬೆಳಕು
ನೋಡಿದಾಗ ನಾನು
ಕೇಳಿದಂಥ ಮಾತು ಇದುವೆ
ಬಲ್ಲೆಯೇನು ನೀನು?

ತಾಯ ತೊಡೆಯ ತೊಟ್ಟಿಲಲ್ಲಿ
ಮಲಗಿದಾಗ ನಾನು
ತೊದಲಿದಂಥ ಮಾತು ಇದುವೆ
ಬಲ್ಲೆಯೇನು ನೀನು?

ಪ್ರೀತಿ ಹೊಂದಿ ಮನೆಯ ಮಂದಿ
ಆಡಿದಾಗ ನಾನು
ಕಲಿತುಕೊಂಡ ಮಾತು ಇದುವೆ
ಬಲ್ಲೆಯೇನು ನೀನು?

ಕನಸಿನಲ್ಲಿ ನೆನಸಿನಲ್ಲಿ
ಕಷ್ಟ-ಸುಖದಿ ನಾನು
ನೆನೆವ, ನುಡಿವ ಮಾತು ಇದುವೆ
ಬಲ್ಲೆಯೇನು ನೀನು?

ಸಾಹಿತ್ಯ: ಪಳಕಳ ಸೀತಾರಾಮಭಟ್ಟ

ಕಾಮೆಂಟ್ ಹಾಕುವವರಲ್ಲಿ ನೀವೇ ಮೊದಲಿಗರಾಗಿರಿ

ಪ್ರತಿಕ್ರಿಯೆ

ನಿಮ್ಮ ಇಮೇಲ್ ವಿಳಾಸವನ್ನು ನಾವು ಪಬ್ಲಿಷ್ ಮಾಡುವುದಿಲ್ಲ .


*


Enable Google Transliteration.(To type in English, press Ctrl+g)